मुटु किन दुख्थ्यो होला तिम्रो याद नआए त!
आकासका तारा बनि आँखाभरी नछाए त!
यो मनको सारंगीले बिरह नै नरेट्दो हो!
घुमी-घुमी रानीबनमा कोईलीले नगाए त!
मूलबाटोमा आँखाहरू बिछ्याउँन छोडीदिन्थेँ!
आउँछु भनी निस्ठुरीले झुटो कसम नखाए त!
बिर्सीदिन्थेँ ढुङ्गे धारा झुक्याएर चुम्ने पारा!
साथीसंगी मस्की-मस्की पधेंरी मा नधाए त!
सपनीमा आउँछौ सँधै आँखा खुल्दा छाती दुख्छ!
चल्दैन है श्वास मेरो तिम्रो साथ नपाए त!
Neeraj Sapkota
No comments:
Post a Comment