माधुरीलाई एक दिनको १ करोड

बलिउडकी भेट्रान अभिनेत्री माधुरी दिक्षितको भाउ छोइनसक्नु रहेको कुरा पछिल्लो घटनाले पुष्टि गरेको छ । उनले मात्र एक दिनको कामका लागि १ करोड भारु पारिश्रमिक पाउने भएकी छिन् ।

आखिर कस्तो कामका लागि होला यतिविधि धन ? भन्ने जिज्ञासा तपाइँमा उत्पन्न हुनु स्वभाविकै हो । सायद कुनै फिल्ममा अभिनय गर्नका लागि वा कुनै कार्यक्रममा नाच्नका लागि पो हो की भन्ने लख पनि काट्नुहोला । तर उनले यतिधेरै रकम पाउन लागेको न कुनै फिल्ममा अभिनय गर्नका लागि हो, न कुनै स्टेज कार्यक्रमका लागि हो । उनले त एक टेलिभिजन रियालिटी शो मा एक दिनका लागि जज बनिदिएबापत यत्रो रकम पाउने भएकी हुन् ।

कलर्स टेलिभिजनको डान्स रियालिटी शो झलक दिखाला जा मा निणर्ायकको कुर्सीमा बसिदिएबापत माधुरीले हरेक एपिसोडको १ करोड भारु पाउनेछिन् । हप्तामा २ दिन प्रशारण हुने यो नाच शो निकै चर्चित कार्यक्रम हो ।

नर्तकी परीको रुपमा चिनिने माधुरी दीक्षितले कुनै बेला बलिउडमा राज गरेकी भएपनि बिहेपछि भने उनले उत्कृष्ट पुनरागमन जनाउन सकेकी छैनिन् । उनको पछिल्लो बलिउड फिल्म सन् २००७ को आज नाचले हो ।

स्मरण रहोस् झलक दिखाला जा को अघिल्लो वर्षको चौथो संस्करणमा पनि माधुरीले निणर्ायकको भूमिका निर्वाह गरेकी थिइन् । उनी निणर्ायक मात्र नभएर बेलाबेलामा स्टेजमा आएर प्रतियोगी र पाहुनासँग समेत कम्मर मर्काएर नाच्ने गरेकाले चौथो संस्करणमा पनि निकै लोकपृय बनेकी थिइन् ।

माधुरीले एक एपिसोडको एक करोड पाउने चर्चा बजारमा चलेपनि कलर्स टेलिभिजन र माधुरी दीक्षित आफैले भने यसबारेमा केही पनि बोलेका छैनन् ।

Neeraj sapkota sahajpur 7 bayala kailali nepal